Ռուսաստանի Չուդովո քաղաքի դատարանը դատապարտել է Հայաստանի քաղաքացի Համլետ Անտոնյանին: Նա մեղավոր է ճանաչվել 7 կողոպուտի իրականացման համար, տեղեկացնում է vnnews.ru-ն:
Դատախազության մամուլի ծառայությունը հաղորդում է, որ Անտոնյանը հունվարին տարեց կանանց է կողոպտել՝ գողանալով նրանց դրամապանակներն ու պայուսակները: Այդ ճանապարհով Համլետը 50 հազար ռուբլուց ավելի գումար է գողացել:
Դատարանը Հայաստանի քաղաքացուն 4.5 տարվա ազատազրկման է դատապարտել և բավարարել է տուժածների հայցերը:
