Հարյուրավոր ուխտագնացներ գնում են Մալայզիայի բնակիչ Մայքլ Ջորջի տուն։ Բանն այն է, որ նա իր տանը պահում է Սուրբ Մարիամի «արտասվող» արձանիկ։ Յուրահատուկ արձանը նրան է նվիրել եղբոր կինը, ով դա գնել է Ֆիլիպիններից, գրում է Обозреватель-ը։
Արձանիկի «արցունքներն» առաջինը նկատել է մալայզիացու 14-ամյա որդին։ «Ես չէի հավատում աչքերիս։ Նա իսկապես լացում էր, ընդ որում՝ արցունքները հայտնվեցին նաև հաջորդ օրը»,- պատմել է Ջորջը։
Նրա խոսքով՝ յուրաքանչյուր օր իր տան մոտ հավաքվում է առնվազն 100 ուխտագնաց։ Յուրաքանչյուրը ցանկանում է դիպչել արձանիկին։
