Այսօր, ինչպես և բոլոր տաղավար տոներին հաջորդող օրերը, հանգուցյալների հիշատակության օր է` Մեռելոց:
Այսօր Ս. Պատարագից հետո բոլոր եկեղեցիներում կատարվելու է հոգեհանգստյան արարողություն, որից հետո մարդիկ կարող են այցելել հարազատների շիրիմները:
Կառավարության մարտի 17-ի որոշմամբ, այսօր հայտարարված է ոչ աշխատանքային օր՝ հնարավորություն ընձեռնելով քաղաքացիներին այցելելու իրենց ննջեցյալների գերեզմանները: Այսօրվա աշխատանքային օրը տեղափոխել է ապրիլի 2-ը:
Նշենք, որ Հայ առաքելական եկեղեցու հինգ տաղավար տոներն են` Սուրբ Ծնունդ և Մկրտություն, Սուրբ Հարություն, Պայծառակերպություն (Վարդավառ), Աստվածածնի Վերափոխման տոն, Խաչվերաց տոն: