«Ժամանակ» թերթը գրում է. ««Ժամանակ»-ի տեղեկություններով՝ Քննչական կոմիտեի ղեկավարի տեղակալ, հատկապես կարևոր գործերի քննության գլխավոր վարչության պետ, արդարադատության գեներալ-մայոր Վահագն Հարությունյանն արդեն 3 օր է՝ Հայաստանում չէ։ Ասել է թե՝ փախել է Հայաստանից։
Նա 3 օր առաջ մեկնել է Գերմանիա՝ սպասելով, թե ինչպես պետք է հանգուցալուծվի հայաստանյան քաղաքական իրավիճակը։ Նա նեղ շրջանակում հայտարարել է, որ եթե Նիկոլ Փաշինյանը դառնա վարչապետ, ապա Գերմանիայից չի վերադառնա։
Հիշեցնենք, որ Վահագն Հարությունյանը Մարտի 1-ի գործով քննչական խմբի ղեկավարն էր, ում թեթև ձեռքով գործն առ այսօր համարվում է չբացահայտված։ Մինչդեռ, Նիկոլ Փաշինյանն այս ընթացքում բազմիցս հայտարարել է, որ իր վարչապետ ընտրվելու պարագայում Մարտի 1-ի բացահայտումն իր առաջնահերթություններից է լինելու»։
Մանրամասն՝ թերթի այսօրվա համարում
