ՀՀ նախագահ Արմեն Սարգսյանը հրամանագրեր է ստորագրել Ազգային անվտանգության ծառայության տնօրենի տեղակալներ նշանակելու և մեկ տեղակալի պաշտոնից ազատելու մասին:
Այս մասին տեղեկանում ենք Նախագահի պաշտոնական կայքից՝ Արամ Հակոբյանն ու Արզուման Հարությունյանը նշանակվել են Ազգային անվտանգության ծառայության տնօրենի տեղակալներ, իսկ Վրեժ Արզումանյանն ազատվել է ԱԱԾ տնօրենի տեղակալի պաշտոնից ու ծառայությունից:
Նախագահի ստորագրած հրամանագրերում ասվում է.
«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Ազգային անվտանգության մարմիններում ծառայության մասին» Հայաստանի Հանրապետության օրենքի 18-րդ հոդվածի 2-րդ մասի.
Արամ Հակոբյանին նշանակել Ազգային անվտանգության ծառայության տնօրենի տեղակալ»:
