Վերաքննիչ քրեական դատարանում տեղի է ունեցել Գագիկ Ծառուկյանի անվտանգության պետ Էդուարդ բաբայանի գործով դատական նիստը:
Հիշեցնենք, որ Բաբայանը մեղադրվում է Վյաչեսլավ Հարությունովին ծեծի ենթարկելու մեջ: Առաջին ատյանի դատարանը ավելի քան 20 օր առաջ որոշում է կայացրել վերջինիս նկատմամբ որպես խափանամն միջոց կալանքն ընտրելու մասին:
Վերաքննիչ քրեական դատարանում Հարությունովը հայտնել է, որ Բաբայանն իրեն ծեծի չի ենթարկել, իսկ ավելի ուշ լրագրողների հետ զրույցում հույս հայտնել, որ նա վաղն Աստծո կամքով ազատության մեջ կհայտնվի: Այս մասին հայտնում է Կենտրոն ՀԸ-ն:
Բաբայանի փաստաբանն իր հերթին նշել, որ ամեն դեպքում գրավի մասին միջնորդություն է ներկայացրել՝ հայտարարելով, որ հիմքեր չկան իր պաշտպանյալին կալանքի տակ պահելու համար:
