Քիչ առաջ լրագրողների հետ զրույցի ժամանակ Յուրի Խաչատուրովի պաշտպան Միհրան Պողոսյանը հայտարարեց, որ վերջինս դատարան է ներկայացել կալանքի հարցի քննմանը մասնակցելու համար:
Փաստաբանը նշեց, որ դատական նիստն ընդմիջվել է պաշտպանության իրավունքն ապահովելու և առաջադրված մեղադրանքին ծանոթանալու համար. «Մինչ այս պահն իմ պաշտպանյալին չի պարզաբանվել մեղադրանքի բնույթի և հիմքերի մասին: Այս պահին այլ մեկնաբանություն չեմ կարող տալ»:
Պողոսյանը հայտնեց, որ դատական նիստը վերսկսվելու է այսօր 18:00-ից հետո. «Արդեն տեղի է ունեցել երկու դատական նիստ՝ այսօր ժամը 11:30-ին, որին Խաչատուրովը ծանուցված չի եղել և 15:00-ին, որին վերջինս արդեն ներկայացել է»:
Հարցին, թե Խաչատուրովին ի սկզբանե հարցաքննել են որպես մեղադրյալի՞, փաստաբանն ասաց, որ վկայի կարգավիճակով որևէ գործողություն չի իրականացվել:
