Օրերս «Կանեփ-կակաչ 2018» համալիր օպերատիվ-կանխարգելիչ միջոցառումների շրջանակներում ոստիկաններն Արթիկում ապօրինի թմրամիջոց պահելու և օգտագործելու հերթական դեպքը գրանցեցին:
Օգոստոսի 18-ին, ստացված տեղեկություններն իրացնելով, ոստիկանության ԿՀԴՊԳՎ թմրամիջոցների անօրինական շրջանառության դեմ պայքարի և Շիրակի մարզային վարչությունների ծառայողները, Արթիկի բաժնի քրեական հետախույզների հետ, թմրանյութ պահելու և օգտագործելու կասկածանքով ոստիկանության Արթիկի բաժին բերման ենթարկեցին Տուֆագործների փողոցի բնակիչ Նարեկ Հակոբյանին:
Հակոբյանի բաճկոնի գրպանից, անձնական խուզարկությամբ, հայտնաբերվել է թաց, յուրահատուկ հոտով բուսական զանգված և սրվակ:
Ըստ Նարեկ Հակոբյանի` հայտնաբերվածը կանեփ է, որը նույն օրը քաղել էր իրենց թաղում վայրի աճած կանեփի թփերից` հետագայում ծխելու համար:
Հայտնաբերվածն առգրավվել է:
Նշանակվել փորձաքննություն։
Փաստի առթիվ նախապատրաստվում են նյութեր:
