Դատախազությունն ու քննիչն ինքնաբացարկի միջնորդություն են ներկայացրել դատավորին, պաշտպանական կողմն առարկել է միջնորդության դեմ: Դատարանի որոշումն այս մասով կհրապարակվի վաղը ժամը 14:00-ին: Լրագրողների հետ զրույցում հայտարարեց Ռոբերտ Քոչարյանի փաստաբաններից Հայկ Ալումյանը:
Եթե դատավորն ինքնաբացարկի միջնորդությունը բավարարի, Քոչարյանի խափանման միջոցի մասով դատական նիստը վաղը տեղի չի ունենա, իսկ եթե միջնորդությունը մերժվի, Քոչարյանի՝ գրավով ազատվելու կամ չազատվելու հարցի քննությունը կշարունակվի:
Նշենք, որ այսօր դատարանը պետք է քններ ՀՀ երկրորդ նախագահ Ռոբերտ Քոչարյանի նկատմամբ որպես խափանման միջոց ընտրված կալանավորումն այլընտրանքային խափանման միջոց գրավով փոխարինելու վերաբերյալ պաշտպանական խմբի ներկայացրած միջնորդությունը:
