Դատարանը շարունակում է ՀՀ երկրորդ նախագահ Ռոբերտ Քոչարյանի խափանման միջոցի հարցի քննությունը: Այսօր դատարանը պետք է քննի ՀՔԾ-ի միջնորդությունը՝ Քոչարյանի կալանքը ևս երկու ամսով երկարացնելու վերաբերյալ:
Լրագրողների հետ զրույցում երկրորդ նախագահի փաստաբաններից Արամ Օրբելյանը նշեց, որ գրավի մասին իրենց միջնորդությունը չի քննվելու, քանի որ կալանքի երկարացման միջնորդությունն իր մեջ ներառում է գրավի միջնորդություն, դրա համար առանձին գրավի միջնորդությունը քննելը դառնում է անիմաստ: