Գերեզմանոցում էլ լինեմ, կոռուպցիայի դեմ, Հայաստանի ազատության, անկախության, զարգացման համար կռիվ եմ տալու: Այսօր՝ փետրվարի 28-ին կառավարության նիստից հետո լրագրողների հետ զրույցում հայտարարեց ՀՀ ՊՎԾ ղեկավար Դավիթ Սանասարյանը:
Հիշեցնենք, որ ավելի վաղ Analitik.am-ը հայտնել էր, որ քրեական գործի շրջանակներում ԱԱԾ-ն ձերբակալել է ՊՎԾ 4 աշխատակցի, այդ թվում նաև Ադյան եղբայրներին: Ավելի ուշ Ադյան եղբայրներից մեկը, մեր տեղեկություններով ազատ է արձակվել: Մեր հրապարակումից ժամեր անց հաստատվեց փաստը, որ ծառայության 3 աշխատակից ձերբակալվել է:
Լրագրողների հետ զրույցում Սանասարյանը պատասխանելով հարցին, թե տեղյակ եղել է արդյո՞ք ինքը կոռուպցիոն գործարքի մասին, ասաց. «Դուք հիմա ուզում եք, որ ես հանցագործության մասին հաղորդում տամ իմ վերաբերյա՞լ: Նման բան լինել չի կարող»: