Մարտի 1-ին Երեւան քաղաքի ընդհանուր իրավասության դատարանում մուտք է եղել ՀՀ երկրորդ նախագահ Ռոբերտ Քոչարյանի հայցադիմումն ընդդեմ ՀԱԿ փոխնախագահ Արամ Մանուկյանի։
«Փաստինֆո»-ն դատալեքս դատական տեղեկատվական համակարգից տեղեկացել է, որ երկրորդը նախագահը պահանջում է դատարանից պարտավորեցնել Արամ Մանուկյանին հրապարակայնորեն հերքել զրպարտություն համարվող տեղեկատվությունը և վիրավորանքի համար հրապարակային ներողություն խնդրել։
Երկրորդ նախագահը նման պահանջով հայցադիմումներ է ներկայացրել նաեւ ընդդեմ ՀՀ վարչապետ Նիկոլ Փաշինյանի, գործարար Սիլվա Համբարձումյանի։ Նշված երկու հայցադիմումները դատարանը վարույթ ընդունել է, սակայն դատաքննությունը դեռեւս չի սկսվել։
