Երևան քաղաքի ընդհանուր իրավասության դատարանում շարունակվում է Սասնա ծռեր խմբի գործով դատական նիստը: Այսօր ցուցմունք է տվել նաև ՊՊԾ գնդի գրավման օրերին Հրեշտակների գումարտակի հրամանատար Գեղամ Խաչատրյանը:
Ցուցմունք տալու ժամանակ Խաչատրյանը պատասխանել է նաև խմբի անդամներից Արմեն Բիլյանի հարցերին, ով մասնավորապես ցանկացել է իմանալ՝ հիշում է արդյո՞ք վերջինս, թե ինչպես է ծեծի ենթարկել ՀՀ քաղաքացիներին:
Տուժող Խաչատրյանը հայտարարեց. «Իսկ դուք հիշո՞ւմ եք... Բոլորիդ ճակատներին կարմիր արյունով գրված է Գագիկ, Յուրիկ, Արթուր»:
Հիշեցնենք, որ վերոնշյալ քաղաքացիներն այն ոստիկաններն են, ովքեր սպանվեցին ՊՊԾ գնդի գրավման օրերին: