Օրենքի մեջ չկա սահմանափակում, թե ով կարող է այդ երաշխավորությունը ներկայացրել, նայեք, թե քանի պատգամավոր է անձնական երաշխավորություն ներկայացրել. «Եթե պատգմավորին արգելված չէ, ինչու պետք է նախագահին արգելվի»:
«Նախագահն ասում է, որ որպես անհատ անձ պարտականություն է վերցնում, երաշխավորում է, որ իր երաշխավորյալը որևէ անօրինական գործողություն չի կատարի, քանի դեռ ընթանում է գործի քննությունը»,-հավելեց պաշտպանը:
Ալումյանի խոսքերով, եթե չկա միջնորդություն անձին կալանքի տակ պահելու ժամկետը երկարացնելու մասին, դատարանը չի կարող դա անել իր նախաձեռնությամբ. «Ներպետական իրավունքը դրա հնարավորությունը տալիս է, սակայն ՄԻԵԴ-ը նշում է, որ դատավարությունը պետք է լինի մրցակացային, այսինքն պետք է լինի միջնորդող և պաշտպանվող, իսկ դատախազությունը միջնորդություն չի ներկայացրել»: