Թեհրանի հյուսիսում անհայտ անձը գնդակահարել է Իրանի նախագահի խորհրդական Մոհամմադ Ալի Նաջաֆիի կնոջը: Այս մասին հայտնում է Ինտերֆաքսը՝ հղում անելով ԻՍՆԱ գործակալությանը:
Կնոջը գնդակահարել են սեփական տանը, որը գտնվում է Սաադաթ Աբադ թաղամասում: Այստեղ ապրում են Իրանի քաղաքական էլիտայի շատ ներկայացուցիչներ:
Այլ մանրամասներ չեն հայտնվում:
Նաջաֆին համարվում է Հասան Ռոհանիի մտերիմ շրջապատի ներկայացուցիչներից մեկը: Նա մինչև 2018 թվականը եղել է Թեհրանի քաղաքապետը: Սպանվածը Նաջաֆիի երկրորդ կինն էր:
