ՀՀ երկրորդ նախագահ Ռոբերտ Քոչարյանի կողմնակիցները հավաքվել են Վերաքննիչ քրեական դատարանի շենքի առջեւ և ակցիա են անում ի աջակցություն երկրորդ նախագահի։ Այտտեղ ոստիկանները և դատական կարգադրիչներն ուժեղացված հսկողություն են իրականացնում։ Տեղադրվել են նաև արգելապատնեշներ։
Նշենք, որ Գլխավոր դատախազությունը բողոքարկել է մայիսի 18-ի՝ Երեւան քաղաքի ընդհանուր իրավասության դատարանի՝ ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումը փոփոխելու եւ նույն դատարանի մայիսի 20֊ի՝ քրեական գործի վարույթը կասեցնելու եւ Սահմանադրական դատարան դիմելու որոշումը:
