Միհրան Պողոսյանի մասով նորություններ չկան, անհանգստացնող որևէ ազդակ չկա պաշտոնական մակարդակով: Լրագրողների հետ զրույցում հայտարարեց Գլխավոր դատախազ Արթուր Դավթյանը՝ խոսելով Միհրան Պողոսյանի արտահանձման մասին:
Խոսելով Մարտի 1-ի գործի, և մասնավորապես Արցախից զորամիավորումներ բերելու թեմայի մասին՝ Դավթյանը հորդորեց սպասել, հրապարակային դատաքննության արդյունքում բոլորը կտեսնեն, թե որտեղից ինչ զորամիավորումներ են բերվել, որն ինչ դերակատարում է ունեցել. «Էականն այն փաստն է, որ բանակը ներգրավվել է: Բանակ ասելով՝ մենք հասկանում ենք ամենալայն իմաստով՝ առանց տեղակայման, առանց կոնկրետ նշանակության»:
