Հուլիսի 9-ին, ժամը 10.10-ին, Սյունիքի մարզի Ույծ գյուղի մի բնակիչ հաղորդում է տվել, որ նախորդ օրը գյուղի նախկին գերեզմանատան տարածքից գողացել են իր երկու գառը, որոնց պարանով կապել էր:
Մեկնել է ոստիկանության Սիսիանի բաժնի օպերատիվ խումբը:
Ձեռնարկված միջոցառումներով պարզվել է, որ գառները գողացել է նույն գյուղի բնակիչ, 70-ամյա մի տղամարդ՝ դրանք տեղափոխելով իր «ԳԱԶ-24» մակնիշի մեքենայով:
Ահազանգից մեկուկես ժամ անց կասկածյալը բերման է ենթարկվել բաժին և տվել խոստովանական բացատրություն:
Նա հայտնել է նաև, որ գառները գերեզմանատան տարածքում արածեցնելու համար բազմիցս դիտողություն է արել համագյուղացուն, որը, սակայն, դիտողությունները հաշվի չի առել, ինքն էլ, զայրացած, գառները մեքենայով տեղափոխել և բաց է թողել Սյունիքի մարզի Տոլորս գյուղի դաշտերում:
Ձեռնարկվում են միջոցառումներ գառները հայտնաբերելու ուղղությամբ:
Նախապատրաստվում են նյութեր:
