Ուֆայում ահազանգով ծեծկռտուքի վայր հասած ոստիկանը ծեծի է ենթարկվել միջադեպի մասնակիցների կողմից, ովքեր կարողացել է նաև խլել իրավապահի զենքը: Այս մասին հայտնում են Բաշկիրիայի ՆԳՆ-ից:
Միջադեպը տեղի է ունեցել այսօր գիշերը քաղաքի գիշերային ակումբներից մեկի մոտ: Երիտասարդները ոստիկանին ծեծելուց հետո դիմել են փախուստի: Տուժածը հոսպիտալացվել է:
Հանցագործներին դեռ չեն հայտնաբերել:
Հարուցվել է քրեական գործ իշխանության ներկայացուցչի նկատմամբ բռնություն գործադրելու հոդվածով:
