Օրերս մամուլում սահմանափակ տարածմամբ հրապարակվեց Վենետիկի հանձնաժողովի 119-րդ նստաշրջանի (հունիսի 21-22) արձանագրությունը, որը հույժ կարևոր նկատառումներ է պարունակում Հայաստանում ընթացող գործընթացների վերաբերյալ։ Ըստ այդըմ գործող դատավորների համընդհանուր վեթինգը ո՛չ անհրաժեշտ է, ո՛չ էլ օգտակար։
Վենետիկյան փաստաթուղթը մեկնաբանելու համար Analitik.am-ը հարցեր է ուղղել ՀՀ փաստաբանների պալատի նախագահ Արա Զոհրաբյանին:
-Ո՞րն է Ձեր դիրքորոշումը հանձնաժողովի հրապարակած փաստաթղթի նկատմամբ, պարո՛ն Զոհրաբյան։ Ակնկալելի՞ էր նման անդրադարձը:
- Այո, ակնկալելի էր նման արձագանքը: Վեթթինգը, որպես անցումային արդարադատության գործիք կարող էր կիրառվել, եթե արդարադատության համակարգը լիներ անմխիթար վիճակում: Մինչդեռ դա այդպես չէ: Այո մեր դատական համակարգում կան բազում խնդիրներ, որոնք լուծման կարիք ունեն, սակայն վեթթինգի հասնող վիճակ չունենք:
-Հայտնի է, որ ՀՀ Կառավարությունը դեռևս չի արձագանքել Վենետիկի հանձնաժողովի արձանագրությանը: Հնարավոր համարո՞ւմ եք մեր իշխանությունների կողմից այս բանաձևի մերժումը:
- Վենետիկի հանձնաժողովի արձագանքը պարտադիր ուժ չունի մեր կառավարության համար, սակայն վստահ եմ, որ կառավարությունն այն հաշվի կառնի:
-Ինչի՞ կհանգեցնի Վենետիկի հանձնաժողովի դիրքորոշման հակասելիությունը մեր երկրի ղեկավարության մոտեցումներին:
- Ինչպես արդեն նշեցի Վենետիկի հանձնաժողովի դիրքորոշումը պարտադիր չէ, սակայն պետք է հաշվի առնել:
Ռուզաննա Ղազարյան
