«Սասնա ծռեր» խմբի 10 անդամների գործով այսօր՝ հուլիսի 31–ին կայացած դատական նիստում դատավոր Մեսրոպ Մակյանի որոշմամբ վերացվեցին ամբաստանյալներ Սմբատ Բարսեղյանի և Արմեն Բիլյանի տեսակցությունների վրա դրված արգելքը: Այս մասին հայտնում է News.am-ը:
«Սասնա Ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը. նրանք մեղադրվում են ոստիկանների սպանության մեջ։ Նրանք չեն ընդունում առաջադրված մեղադրանքները։
