Ռուսական մամուլն անդրադարձել է Հայաստանում օրենքով գող Մասիվցի Անդիկի սպանության գործում նոր զարգացումներին: Մասնավորապես ՌԻԱ Նովոստին, հղում անելով ՀՀ ոստիկանությանը, հայտնում է, որ սպանության մեջ կասկածվում է Ռուսաստանի քաղաքացի:
Գործակալությունը հիշեցնում է Անդիկի սպանության մասին՝ նշելով, որ առաջադրված մեղադրանքով մարդասպանին սպառնում է մինչև 15 տարվա ազատազրկում:
ՌԻԱ Նովոստին հիշեցնում է նաև ՀՀ ոստիկանապետ գեներալ Վալերիյ Օսիպյանի ավելի վաղ արած հայտարարությունը, որ սպանությունը պատվիրված է եղել:
