Իրավական 

Քոչարյանի պաշտպանները կրկին պահանջում են ազատ արձակել վերջինիս, բայց այլ տարբերակով

Երևան քաղաքի ընդհանուր իրավասության դատարանը քիչ առաջ մերժեց ՀՀ երկրորդ նախագահ Ռոբերտ Քոչարյանի նկատմամբ խափանման միջոցը փոխելու վերաբերյալ միջնորդությունը՝ թողնելով վերջինիս կալանքի տակ:

Պաշտպանական կողմը կրկին միջնորդություն է ներկայացնում, բայց այս անգամ ոչ թե խափանման միջոցը վերացնելու, այլ փոխելու պահանջով:

Ինչպես նշեց, Քոչարյանի պաշտպաններից Հովհաննես Խուդոյանը, դատավարության այս փուլում անհրաժեշտ հիմքեր չկան Քոչարյանի նկատմամբ խափանման միջոց կալանավորում կիրառելու համար:

Պաշտպանը հիշեցրեց, որ գործի քննության ամենասկզբից Քոչարյանը երբեք չի խուսափել քննությունից, հենց առաջին օրվանից առաջին հրավերով վերադարձել է Հայաստան ու ներկայացել է համապատասխան մարմին, իսկ դրանից հետո, երբ կալանավորվել է, հետո ազատ արձակվել առաջին կանչով ներկայացել է դատարան և մասնակցել դատավարական գործընթացին: Քննիչները երբեք որևէ փաստարկ չեն ներկայացրել, որ Քոչարյանը խոչընդոտում է գործի քննությանը, ավելին՝ մշտապես հայտարարել են, որ նման բան չի եղել. «Պարոն Քոչարյանը մշտապես ներկայացել է դատական նիստերին, կալանավորումից հետո ինքնակամ ներկայացել է Երևան Կենտրոն ՔԿՀ-ը»:

Պաշտպանական կողմը պահանջում է քննարկել Քոչարյանին գրավի դիմաց ազատ արձակելու հարցը՝ գրավի չափի հարցը թողնելով դատարանի հայեցողությանը, սակայն այն լինի ողջամիտ:

Դատարանի ճշտող հարցին, թե որն է ողջամիտ չափը կամ գոնե առավելագույն չափը, Խուդոյանը չկարողացավ ասել:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից