Երևան քաղաքի ընդհանուր իրավասության դատարանում շարունակվում է Ռոբերտ Քոչարյանի, Սեյրան Օհանյանի, Յուրի Խաչատուրովի, Արմեն Գևորգյանի գործով դատական նիստը:
Դատարանը քիչ առաջ մերժեց Քոչարյանի խափանման միջոց կալանավորումը փոխելու մասին միջնորդությունը:
Դրանից հետո Սեյրան Օհանյանի պաշտպանը միջնորդեց փոխել վերջինիս նկատմամբ խափանման միջոցը և թույլ տալ նրան հատել Հայաստանի սահմանն արտասահմանում բուժումն անցնելու համար:
Միջնորդությանը միացան պաշտպանական կողմի բոլոր փաստաբանները:
Դատախազությունն իր հերթին ասաց, որ առարկություններ չունեն, և դեմ չեն, որ մեկ այլ խափանման միջոց ընտրվի, որ Սեյրան Օհանյանը կվերադառնա, եթե դրա անհրաժեշտությունը լինի` դա անելով պահանջվելիք ժամկետներում: