Իրավական 

Նիկոլ Փաշինյանին խորհուրդ ու ԴՈՒԽ տվողներն իսկապե՞ս ազնիվ են իրենց խղճի առաջ. Նորայր Նորիկյան

Նիկոլ Փաշինյանին դատաիրավական համակարգի ներկայիս խնդիրների և լուծման հնարավորությունների վերաբերյալ խորհուրդ ու ԴՈՒԽ տվողներն իսկապե՞ս ազնիվ են իրենց խղճի առաջ, իսկապե՞ս ունեն պատասխանատվության զգացում Հաայստանի Հանրապետության այսօրվա ու վաղվա օրվա նկատմամբ, թե՞ ոչ:

Դուք իսկապե՞ս չեք գիտակցում Ձեր գործողությունների իրավաքաղաքական հետևանքները, թե՞ Ձեր ինքնավստահությունն ու անսխալականության մեջ համոզվածությունը համարում եք անբեկանելի, անքննարկելի և բարձրագույն արժեք:

Հարկ չկա կոնկրետ նշելու, սակայն բացի՛ սաբոտաժից, բացի՛ որևէ ձեռնարկված գործողության տապալումից, Դուք կարո՞ղ եք մատնանշել թեկուզ մեկ դեպք, որ ձեռնարկել եք և ավարտել այն հաջողությամբ:

Լսե՛ք, Դուք մինչև հիմա չեք ցանկանում ընդունել այն պարզ ճշմարտությունը, որ Դուք այսօր ոչ թե խնդիրների մասին բարձրաձայնող եք, այլ այդ խնդիրները լուծողը:

Իսկ Դուք ոչ միայն չեք լուծում, այլև ստեղծում եք առավել մեծ խնդիրներ՝ պետության բնականոն գործունեությունը խաթարելու գնով:

Թե՛ սահմանադրական դատարանի, թե՛ դատական համակարգի, թե՛ անցումային արդարադության իրականացման, թե՛ վեթինգի, թե՛ կոռուպցիայի դեմ պայքարի, թե՛ օրինականության վերակնագնման գործընթացում իրականացվող քայլերը կա՛մ կիսատ են, կամ անավարտ, կա՛մ տապալված:

Դո՛ւք գիտեք, Ձեր գործն է, բայց, հիշե՛ք, դեռևս որևէ մեկին չի հաջողվել խուսափել վերջում հաշվետու լինելուց:

Փաստաբան Նորայր Նորիկյան

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից