Երևան քաղաքի ընդհանուր իրավասության դատարանում շարունակվում են ՀՀ երկրորդ նախագահ Ռոբերտ Քոչարյանի և մյուսների գործով դատական նիստերը: Այսօրվա նիստում Քոչարյանի փաստաբաններից Արամ Վարդևանյանը երկրորդ նախագահի նկատմամբ խափանման միջոց կալանավորումը փոխելու միջնորդություն ներկայացրեց:
«Մենք միջնորդում ենք գրավի կիրառումը ճանաչել ընդունելի՝ սահմանելով գրավի ողջամիտ չափ»,-հայտարարեց Վարդևանյանը՝ հավելելով, որ գրավի չափը թողնում է դատարանի հայեցողությանը:
Նշենք, որ Ռոբերտ Քոչարյանը վիրահատության ենթարկվելուց հետո առաջին անգամ է մասնակցում դատական նիստին:
