Այսօր, հոկտեմբերի 22-ին նշվում է կակազողների միջազգային օրը: Այդ տոնը սկսել եննշել 1998 թվականից International Stuttering Association կազմակերպության նախաձեռնությամբ:
Հիվանդությունների միջազգային դասակարգման համաձայն, «կակազում» է կոչվում խոսքի այն խանգարումը, որը բնութագրվում է հնչյունների, վանկերի եւ բառերի հաճախակի կրկնմամբ կամ երկարացմամբ, ինչպես նաեւ խոսքի մեջ հաճախակի դադարներով եւ անվճռականությամբ, ինչը կտրատում է խոսքի ռիթմիկ ընթացքը:
Մարդը ցանկացած տարիքում կարող է կակազելու սովորություն ձեռք բերել, բայց ամենից հաճախ դա ի հայտ է գալիս 2-ից 6 տարեկանում՝ հենց այն տարիքում, երբ ձեւավորվում են խոսելու հմտությունները:
Ի դեպ, կակազելու սովորությունից տառապել են Դեմոսթենեսը, Ուինսթոն Չերչիլը, Մերիլին Մոնրոն, Իսահակ Նյուտոնը, իսկ մեր ժամանակակիցներից Բրյուս Ուիլիսը, Արտեմի Տրոիցկին եւ շատ այլ հայտնի մարդիկ: