Քիչ առաջ Կենտրոն և Նորք-Մարաշ վարչական շրջանների ընդհանուր իրավասության դատարանը որոշմամբ ազատ արձակված Մասիսի քաղաքապետ Դավիթ Համբարձումյանը հայտարարեց, որ միանում է իր ազատության համար բողոքի ակցիա անցկացնող քաղաքացիներին և սպասում Մասիսի փոխքաղաքապետ Կարեն Օհանյանին ազատ արձակելուն:
Համբարձումյանը նշեց, որ մի մարդու նման մնալու են, չեն հեռանալու, քանի դեռ Օհանյանն ազատ չի արձակվել:
Հիշեցնենք, որ զանգվածային անկարգությունների կազմակերպման և մասնակցության մեջ մեղադրվող Մասիսի քաղաքապետին ազատ արձակեցին առանց պատգամավորների երաշխավորագրի և գրավի:
