Բարի օր Իրավական 

Մարտի 1-ի 10 զոհերից առնվազն 7-ը չի եղել ոստիկանության կամ բանակի կողմից. Ռոբերտ Քոչարյան

Մեզ նաև հայտնի չէ արդյո՞ք կան քրեական գործեր հարուցված այդ որոշ մարդկանց նկատմամբ, կա՞ն ձերբակալվածներ, կան արդյո՞ք գործողություններ այդ որոշ մարդկանց գտնելու ուղղությամբ: Քրեական գործում այդ մասով որևէ բան չի ասվում: Ես կարող եմ ենթադրություններ անել: Այս մասին Երևան քաղաքի ընդհանոր իրավասության դատարանում հայտարարեց ՀՀ երկրորդ նախագահ Ռոբերտ Քոչարյանը՝ խոսելով մեղադրանքի այն դրվագի մասին, թե իշխանությունը պահելու համար ներգրավվել են նաև Ռոբերտ Քոչարյանի և Սերժ Սարգսյանի մերձավոր շրջապատի որոշ անձինքն, ովքեր իրենց թիկնազորի անդամներից կամ վստահելի մարդկանցից, այդ թվում հանցավոր հեղինակություն ունեցող անձանցից, ստեղծել են խմբեր, որոնց ապօրինի զինել են տարբեր հրազեններով և նրանց ներգրավել են մարտի 1-2-ին Երևանի տարբեր փողոցներում քաղաքացիների դեմ գործողություններին:

Ավելի վաղ Քոչարյանի պաշտպաններից Հայկ Ալումյանը նշել էր, որ այդ որոշ անձանց անունները չի նշվում, չի նշվում նաև, թե ում կողմից են այդ որոշ անձինք նեգրավվել:

Քոչարյանը նշեց, որ քրեական գործում 10 մարդու սպանության մասին խոսք չկա. «Այս դրվագն այսպես անորոշ ձևով մտցրել են մարդկանց ուղեղը մտցնելու համար, թե կարող է այդ սպանությունները կատարված լինեն մերձավոր անձանց, և այլն, և այլն, և այլն: Մարդկանց ինքնագիտակցության մեջ այդ թույնը մտցնելու նպատակով են արել: Այլ որևէ հիմնավորում չկա, թե ինչու է այս դրվագը մտցվել մեղադրանքի մեջ»:

Նախագահը նշեց, որ առնվազն 7 մարդու սպանությունն արվել է այդ անձանց կողմից, այլ ոչ թե ոստիկանության կամ բանակի կողմից:

  • 74
  •  
  •  
  • 1
  •  
  • 1
  •  
  •  
  •  
    76
    Shares

Նույն շարքից