Ոստիկանությունն ուսումնասիրում է Դավիթ Սանասարյանի կողմից երեխայի վրաերթի ենթարկելու մասին պատմող Analitik.am-ի տեսանյութը

Ոստիկանությունն ուսումնասիրում է Դավիթ Սանասարյանի կողմից երեխայի վրաերթի ենթարկելու մասին պատմող Analitik.am-ի տեսանյութը: Այս մասին հայտնում են ոստիկանությունից:

Ավելի վաղ հայտնել էինք, որ սեպտեմբերի 12-ին, ժամը 14:30-ի սահմաններում, Դավիթ Սանասարյանը Կիևյան 4 հասցեում գտնվող շենքի կամարանցումի (դալան) մոտ վրաերթի է ենթարկել 9-ամյա Ա.Ղևոնդյանին: Երեխային վրաերթի ենթարկելուց հետո Դավիթը որևէ բան չի ձեռնարկել: Պատահական անցորդներից մեկը զանգել է Ա.Ղ.-ի մայրիկին, ով էլ երեխային տեղափոխել է «Արմենիա» հանրապետական բժշկական կենտրոն:

Սանասարյանը նախ հերքել էր տեղեկությունը, իսկ  ավելի ուշ գրառում էր արել՝ նշելով, որ երեխան մեքենայի կողքից՝ քարի վրայից թռնելուց դիպչել է մեքենային ու ընկել գետնին։