Սերինե Խանոյանը 19 տարեկան է, նա երևանաբնակ այն յուրահատուկ երիտասարդներից է, ով իր յուրօրինակ կերպարով միանգամից աչքի է ընկնում և ոչ ոք անտարբեր չի կարող անցնել նրա կողքով:
Analitik.am-ը զրուցեց նրա հետ և փորձեց պարզել նրա նախասիրություններն ու հետաքրքրությունների շրջանակը:
-Կպատմե՞ք Ձեր հագնելաոճի մասին, ինչու՞ եք հագնվում հենց այս ոճով:
-Սա ճապոնական ոճ է, որը նմանակում է «Անիմեի» հերոսներին, կամ էլ հերոսներից կոնկրետ որևիցե կերպարի: Բայց ես ինչ-որ կոնկրետ կերպարի չեմ նմանակում:
-Ձեր արտաքինը յուրահատուկ է, Ձեր մտածելակերպում ինչո՞վ է դրսևորվում այդ առանձնահատկությունը: Ի՞նչ պատկերացումներ, մոտեցումներ ունեք առհասարակ:
-Փորձում եմ ազատ ապրել, բարդույթներ ընդհանրապես չունեմ, և ինչ սկսել եմ հագնվել այս ոճով, բոլոր բարդույթներս վերացել են:
-Ազատություն ասվածը ինչպե՞ս եք հասկանում և ինչպե՞ս է դրսևորվում այն Ձեզ մոտ:
-Հայաստանում անհնար է ապրել այնպես, ինչպես որ ինքդ ես ուզում: Իմ ազատությունը ավելի շատ իմ հագնելաոճով է դրսևորվում՝ գունավոր մազեր, տարօրինակ զգեստներ և այլն:
-Ցանկանու՞մ եք գնալ Ճապոնիա:
-Այո՛, շատ եմ ուզում, սեպտեմբերին գնալու եմ:
-Ի՞նչ մասնագիտություն ունեք և ի՞նչ նախասիրություններ:
-Ես դաջվածքներ եմ անում, դիմահարդար եմ, նկարչուհի, բայց հիմնականում նկարում եմ: Սիրում եմ Ճապոնիան և այժմ սովորում եմ ճապոներեն, նաև շատ եմ սիրում կիթառ նվագել: