«Կազա» շվեյցարական մարդասիրական հիմնադրամը ապրիլի 18-ին Կոմիտասի այգում կազմակերպել էր «Կենդանի գրադարան» նախաձեռնությունը:
Միջոցառումը կազմակերպվել էր «Հայաստանի երիտասարդ քաղաքացիներ» ծրագրի շրջանակներում՝ GAUCULT Կովկասյան մշակութային նախաձեռնությունների ցանց ծրագրի հետ համատեղ:
Analitik. am-ը զրուցեց Կազան հիմնադրամի աշխատակից, ՀԵՔ-ի ծրագրերից մեկի պատասխանատու Կարինե Ստեփանյանի հետ:
Կոչվում է «Կենդանի գրադարան», քանի որ մյուս գրադարաններից տարբերվում է նրանով, որ մեզ մոտ գրքերը մարդիկ են՝ իրենց կյանքի պատմություններով: Մենք ընտրել ենք այնպիսի մարդկանց, ովքեր մեր հասարակությունում շատ հաճախ որոշակի կարծրատիպային պատկերացումներ ունեն, մասնակիցներին ընտրել ենք փոքրիկ հարցման միջոցով:
Հարցրել ենք երիտասարդներին, թե նրանք ինչպիսի մարդկանց հետ են ցանկանում խոսել, շփվել և ըստ այդմ ընտրել ենք «գիրք-մարդկանց»: Մեր «գրքերը» բազմազան են՝ եզդիական համայնքի ներկայացուցիչ, սիրիահայ մասնակից, կլինիկական մահ ապրած աղջիկ, օդաչու, հաշմանդամ աղջիկ, հեթանոս և այլն: Ընթերցանությունը տեղի է ունենում զրույցի տեսքով. մեր ընթերցողները նախապես գրանցվելով գրադարանավարների մոտ, ունկնդրում են կենդանի «գրքին»: