Հայաստանում Վրաստանի մշակույթի օրերի կապակցությամբ Երևանում են գտնվում մի շարք վրացի հայտնի արվեստի գործիչներ: Հայ հասարակությունը նրանց շատ ջերմ ընդունելություն է ցույց տվել, իսկ Սուլիկո վրացական ռեստորանն էլ հյուրասիրություն էր կազմակերպել վրացի հյուրերի համար, որի նպատակն էր նաև ապահովել լրագրողների և վրացի արվեստագետների շփումը: Analitik.am զրուցեց կինոյի և թատրոնի դերասան Դավիթ Դարչիայի հետ:
Ի՞նչ կասեք հայկական և վրացական մշակութային կապի մասին, ինչպե՞ս եք գնահատում այն:
Ես 2005թ. աշխատել եմ այստեղ, ունեցել են դերեր և հանդես եմ եկել հայ հանդիսատեսի առջև:
Թատերախաղի ավարտից հետո նայում էի հայ հանդիսատեսի աչքերին և նկատում, որ նրանք հասկանում և ընդունում են իմ խաղը: Նույնը ես տեսնում եմ վրացի հանդիսատեսի աչքերոմ: Նրանք ամեն ինչ հասկանում են և տեսնում, հայ և վրացի հանդիսատեսները շատ նման են միմյանց: Հայկական և վրացական մշակույթները շատ կապված են:
Դիտում եմ հայկական ֆիլմեր և ուղղակի ապշում՝ հայկական կինոն վերելք է ապրում: Հայկական մշակույթը ընթանում է ճիշտ ուղով:
Հայերի և վրացիների եղբայրությունը տարիների փորձ ունի, ի՞նչ եք կարծում Վրաստանի՝ Եվրամիությանն անդամագրվելը, և Հայաստանի՝ Եվրասիական Միություն անդամագրվելը կխանգարի հետագա միջմշակութային հարաբերությունների զարգացմանը:
Միանշանակ ոչ: Ոչ մի քաղաքական իրադարձություն չի կարող միջամտել մշակութային իրադարձություններին և հարաբերություններին, մենք միշտ կունենանք ջերմ մշակութային հարաբերություններ:
Ձեր կարծիքով ի՞նչ պետք է անի երիտասարդ սերունդը, որպեսզի կարողանա պահպանել մշակույթը և զարգացնել այն:
Պետք է շատ թատերական և օպերային ներկայացումներ նայեն, ֆիլմեր դիտեն և միանշանակ շատ կարդան՝ շատ-շատ:
Ինչպե՞ս եք գնահատում երիտասարդների կրթվածության աստիճանը:
Գերազանց: Ներկայիս երիտասարդները շատ կրթված են, և նրանք ամեն ինչ հասցնում են:
Արաքս Նազարյան
