Հայաստանում Վրաստանի մշակույթի օրերի կապակցությամբ Երևանում է գտնվում Վրաստանի ազգային պարի Սուխիշվիլի համույթը: Հայ հասարակության առջև ելույթ ունենալուց հետո նրանց հյուրընկալեց Սուլիկո վրացական ռեստորանը: Analitik.am զրուցեց Սուխիշվիլի համույթի գեղարվեստական ղեկավար Նինո Սուխիշվիլիի հետ:
Ձեզ դո՞ւր է գալիս հայկական մշակույթը, ինչպե՞ս եք գնահատում այն:
Հայերը հին ազգ են և ունեն շատ մեծ մշակութային պատմություն: Շատ հազվադեպ է պատահում, որ այսպիսի հին մշակույթը պահպանվի, բայց դա հայերին հաջողվել է:
Հայերի և վրացիների մշակութային ժառանգությունը շատ հին, բայց նրանք կարողացել են այն պահպանել: Ես կողմ եմ , որ հին մշակույթը պահպանվի, բայց դրա հետ մեկտեղ այն պետք է զարգանա՝ հավատարիմ մնալով իր հին արմատներին:
Հայ երիտասարդները պահպանում են իրենց մշակութային արժեքները, և նրանք պետք է շարունակեն այն զարգացնել և հետագա սերուդների համար թողնեն մեծ ժառանգություն:
Եթե ազգը կորցնի իր մշակութային դեմքը, այն կդադարի ազգ լինելուց և կմոռացվի շատ շուտ:
Ի՞նչ պետք է անել, որ մշակույթը մշտապես զարգանա
Յուրաքանչյուր ազգ իր մշակույթը զարգացնելու համար չպետք է մոռանա հին արմատների մասին:
Երիտասարդներին ավելի հասկանալի լեզվով պետք է ներկայացվի մշակութային արժեքները, որպեսզի նրանք կարողանա գնահատել և պահպանել այն:
Ի՞նչ կասեք Հայաստանի մասին, Ձեզ դո՞ւր գալիս է այստեղ
Շատ բան չեմ կարող ասել, ցավոք շատ հաճախ չեմ գտնվում Հայաստանում, չնայած որ ապրում ենք շատ մոտ: Ես կարծում եմ՝ պետք է հաճախ այցելել այստեղ, ինձ դուր է գալիս այս երկիրն իր հին պատմությունով և մշակութային արժեքներով: Ես ողջունում եմ այն հարաբերությունները, որ ձևավորվել են հայերի և վրացիների միջև:
Արաքս Նազարյան