Աշխարհի որ ծայրում էլ լինեմ, միշտ շտապում եմ վերադառնալ Երևան. Ա. Սիմոնյան

«Էրեբունի-Երևան 2796»-ին ընդառաջ Ֆեյսբուքյան հարցազրույց երգչուհի Անահիտ Սիմոնյանի հետ:

 

 

-Անահիտ, ի՞նչ է Երևանը Ձեզ համար։

-Երևանն ինձ համար տուն է։ Աշխարհի որ ծայրում էլ լինեմ, միշտ շտապում եմ ետ՝ դեպի Երևան։ 

 

-Ո՞րն է Երևանի Ձեր ամենասիրելի անկյունը։

-Սիրելի քաղաքում հատկապես կառանձնացնեմ Կասկադ համալիրի տարածքը , որտեղ բալիկիս հետ հաճախ ենք զբոսնում։

-Սիրո՞ւմ եք «Էրեբունի-Երևան» տոնակատարության օրը:

-Շատ եմ սիրում այդ օրը. քաղաքն իսկապես տոնական տրամադրություն և հանդերձանք է ստանում։ Տոնի մասնակիցները, երևանցիները և տոնական Երևանում հայտնված քաղաքի բոլոր հյուրերը տոնի անմիջական մասնակիցն են դառնում։