Analitik.am-ի ամանորյա բլից հարցերին պատասխանում է «Օրինաց երկիր» կուսակցության պատգամավոր Իշխան Խաչատրյանը:
- Պարոն Խաչատրյան, սիրո՞ւմ եք Նոր տարին, եթե այո` ինչո՞ւ:
- Այո, սիրում եմ Նոր տարին, քանի որ ամեն Նոր տարի նոր հաջողությունների սկիզբ է. Այն հնարավորություն է ընձեռնում անմոռանալի ժամանակ անցկացնել ընտանիքի անդամների և ընկերների հետ:
- Ինչպիսի՞ն էր 2014-ը Ձեզ համար:
- 2014 թվականը ձեռքբերումների տարի էր:
- Ձեր կյանքի ամենաուրախ և հիշվող Նոր տարին:
- Կարծում եմ բոլորիս համար ամենաուրախ և հիշվողՆոր տարին ասոցացվում է մանկության հետ:
- Ամենատխուր նոր տարին…
- Իմ կարծիքով, տխուր Նոր տարիներ չեն լինում, քանի որ Նոր տարին ինքնին արդեն նոր գաղափարների և նոր հաջողությունների սկիզբ է.
- 2014-ի ամենակարևոր իրադարձությունը:
- 2014 թվականին որդիս` փոքրիկ Մարկը, դարձավ 1 տարեկան:
- 2014-ի հիասթափությունը:
- Հիասթափություններ չեմ ապրում.կյանքն ու քաղաքականությունը շարունակական պայքար է:
- Ի՞նչն էր պակասում մեզ 2014-ին:
- Այս տարի մենք շատ փորձությունների միջով անցանք, դեռևս կան բազմաթիվ չլուծված խնդիրներ` արտագաղթ, աղքատություն, գործազրկություն, որոնք շարունակումեն մտահոգիչ լինել:
- Որտե՞ղ եք անցկացնելու Նոր տարին:
- Նոր տարին անցկացնելու եմ տանը, ընտանիքիս անդամների հետ:
- Ի՞նչ նվերներ եք նախընտրում:
- Նախընտրում եմ ավելի շատ նվերներ տալ, քան ստանալ.
- Ի՞նչ նվեր եք ակնկալում Ձմեռ պապից:
- Կախարդական փայտիկ :
- Եթե կախարդական փայտիկ ունենաք, ի՞նչ կանեք:
- «Ծովից ծով Հայաստան» բաղձալի երազանքն իրականություն կդարձնեի:
- Սովորաբար որքա՞ն գումար եք ծախսում ամանորյա սեղանի համար:
- Ավելի կարևոր է Ամանորը նշել ուրախ սրտով և լի սեղաններով: Կարծում եմ մենք պետք է խուսափենք ավելորդ ճոխություններից:
- Ուտեստներից և խմիչքներից որո՞նք եք կարևորում ամանորյա սեղանին:
- Ինձ համար նախընտրելի են հայկական ուտեստները, նախընտրում եմ «Հայասի»
կոնյակ :Սիրում եմ ամեն ինչ չափի մեջ:
- Ո՞րն է 2014 թվականի քաղաքական ամենամեծ կորուստը և
քաղաքական ձեռքբերումը:
- Մեզ համար կարևոր քաղաքական իրադարձություն էր կոալիցիայից դուրս գալը, ինչպես նաև Եվրասիական միությանը անդամակցելը, որն իր բացասական ազդեցությունը թողեց մեր և Եվրոմիության անդամ երկրների հարաբերությունների վրա, վերջինս կարելի է քաղաքական կորուստ համարել: Քանի որ մեր որդեգրած աշխարհաքաղաքական կողմնորոշումը ցանկալի արդյունք չտվեց:
- Կա՞ ընտանիք, որին, որպես ավանդույթ, օգնում եք այս օրերին:
- Չեմ սիրում խոսել բարեգործությունների մասին, դա յուրաքանչյուրիս պարտքն է:
- Ձեր բարեմաղթանքը ազգաբնակչությանը և analitik.am-ի ընթերցողին:
- Իմ սիրելի հայրենակիցներին նախևառաջ ցանկանում եմ առողջություն, բարեկեցություն: Ցանկանում եմ, որ 2015 թվականը և հաջորդող բոլոր տարիները համայն հայության համար լինեն հաջողությունների, խաղաղության և հաղթանակների տարի:
Զրուցեց Հասմիկ Մովսիսյանը
