Analitik.am-ի զրուցակիցն է «Ազատ դեմոկրատներ» կուսակցության փոխնախագահ Անուշ Սեդրակյանը:
-Տիկին Սեդրակյան, ինչպես հայտնի է, Թուրքիայի նախագահ Ռեջեփ Թայիփ Էրդողանը Ֆրանսիայի նախագահ Ֆրանսուա Օլանդին ևս մեկ անգամ զգուշացրել է՝ զերծ մնալ Հայոց ցեղասպանության հարցով նախատեսված օրինագծեր ընդունելու նախաձեռնությունից: Որքանո՞վ ազդեցիկ կարող է լինել այս կոչը:
-Իմ համոզմամբ, Արևմուտքը կանտեսի Էրդողանի այս կոչը, քանի որ Թուրքիան միշտ էլ փորձում է սեփական խաղը խաղալ՝ չենթարկվելով Արևմուտքիի կանոններին: Էրդողանի դիրքերն Արևմուտքում ակնհայտորեն թուլանում են, և ավելի ու ավելի պարզ է դառնում ռուս-թուրքական մերձեցումը: Այս պարագայում Հայոց ցեղասպանության փաստը կարող է լուրջ հաղթաթուղթ դառնալ Հայաստանի ձեռքում, և մենք, խելացի դիվանագիտություն իրականացնելով, շահող դուրս գանք իրավիճակում:
-Ինչպե՞ս եք գնահատում հունական խորհրդարանի՝ հայերի և հույների ցեղասպանությունների ժխտումը դատապարտող օրինագիծ ընդունելու նախաձեռնությունը:
-Կալիֆորնիական Սենատում այդօրինակ օրինակը բավական հեշտ անցավ: Հայաստանի համար ցանկալի արդյունքներ ակնկալում եմ նաև Հունաստանի խորհրդարանից: Կարծում եմ՝ այսօր երեկոյան կայանալիք քվեարկությունը բավական ազդեցիկ արդյունք կունենա:
