Մեր տարիները մեր հարստությունն են. հենց այսպես գնահատելով իր տարիները լեգենդար Վախթանգ Կիկաբիձեն որոշել է նշել իր 75-րդ տարեդարձը: Նրա խոսքով նա չի սպասել 80-ին, քանի որ չգիտի՝ վաղն ինչ կլինի, ինչպե՞ս կլինի իր առողջական վիճակը:
Այսօր Գ. Սունդուկյանի անվան ազգային ակադեմիական թատրոնում արվեստագետի համերգն է անցկացվում՝ նվիրված իր տարեդարձին, բայց մինչև համերգին անրադառնալը Վ. Կիկաբիձեն հիշեց անցած տարիները, խոսեց Մհեր Մկրտչյանի հետ անցած ուղու մասին և սրտի ցավով նշեց, որ տխրում է, որ այն մադրիկ, ում հետ աշխատել է արդեն չկան, իսկ ոմանց մասին տեղեկություն անգամ չունի:
Նա նաև ասաց, որ շատ հաճելի է, որ այստեղ գալու հրավերը հայկական կողմից է եղել, իսկ www.analitik.am-ի այն հարցին, թե որքանո՞վ է հետևում ներկայիս ֆիլմարտադրությանը և ի՞նչ կարծիք ունի, արվեստագետը պատասխանեց.
«Վրաստանում հիմա կարգին ֆիլմ չեն նկարում, հիմնականում սերիալներ, որոնք ես չեմ սիրում: Չեմ հասկանում, թե ինչո՞ւ պետք է մի օր սպասեմ, որ նայեմ ֆիլմի շարունակությունը: Հայաստանի ֆիլմարտադրությանը, անկեղծ ասած, այնքան էլ ծանոթ չեմ: Տեղյակ եմ միայն այն ֆիլմերից, որոնցում նկարահանվելու առաջարկ եմ ստանում: Հիմա էլ տարբեր տեղերից նկարահանման շատ առաջարկներ կան, բայց ամեն ֆիլմ չէ, որ հիմա ինձ հետքրքրում է»:
Լուսանկարները՝ Քրիստինա Դանիելյանի