Analitik.am կայքը սկսում է «Կայացած կանայք» հարցազրույցների շարք, որի նպատակն է ներկայացնել մեր հասարակության մեջ ակտիվ գործունեություն ծավալող կանանց, ովքեր կարողացել են մեծ հաջողությունների հասնել՝ հաղթահարելով բոլոր խոչընդոտները: Հարցազրույցների ընթացքում կներկայացվեն կայացած կանանց անցած ուղին, դժվարություննների հաղթահարման մեխանիզմները, որոնք կարող են օգտակար լինել երիտասարդ կանանց, ովքեր նոր են սկսում իրենց կարիերան:
Ներկայացնում ենք հարցազրույց Հայաստանի լավագույն կին հասարակական- քաղաքական գործիչներից մեկի՝ Լարիսա Ալավերդյանի հետ:
-Ինչպե՞ս ստացվեց, որ մուտք գործեցիք քաղաքականություն:
-Արցախյան շարժումն է սկիզբ դրել իմ հասարակական-քաղաքական գործունեությանը։
-Աշխատանքից դուրս ինչո՞վ եք սիրում զբաղվել:
-Հասարակական գործունեությամբ։ Որպես ժամանց՝ ընթերցանություն և արշավներ։
-Կայացած կնոջ համար ամենամեծ մարտահրավերը ո՞րն է:
-Ցանկացած գործողության մեջ լինել ակտիվ, բայց ներքուստ խաղաղ։
-Ձեր կյանքում կայացրած ամենակարևոր որոշումը:
-Ամուսնանալը։
-Ընտանիք-քաղաքականություն, ինչպե՞ս եք համատեղում։
-Ձգտում եմ ներդաշնակության։
-Ինչպիսի՞ն է Լարիսա Ալավերդյանը՝ որպես կին և մայր:
-Հարցրեք ամուսնուս և դստրերիս։
-Ձեզ համարու՞մ եք երջանիկ:
-Ո՛չ։
-Իշխանական կառույցներին կանգնած կնոջ Ձեր իդեալը:
-Խելացի, կանացի, սկզբունքային և հետևողական։
-Տղամարդիկ պնդում են, որ տղամարդն ավելի լավ քաղաքական գործիչ կարող է լինել, քան կինը, համամի՞տ եք այդ կարծիքի հետ:
-Տղամարդիկ հաճախ են սխալվում։
-Ի՞նչ խորհուրդ կտաք հայ կանանց, ովքեր ուզում են հաջող կարիերա ունենալ:
-Աշխատել և ձգտել լավագույն արդյունքի։
Նախորդ հարցազրույցը կարող եք կարդալ այստեղ:
Վարդուհի Երանոսյան
