Կոլումբիայի բանակը վերսկսել է Կոլումբիայի հեղափոխական զինված ուժերի ապստամբների դիրքերի գնդակոծությունը՝ նախագահի կողմից հայտարարված հրադադարի ռեժիմի չեղյալ հայտարարելուց հետո։ Այս մասին հայտնել է Կոլումբիայի պաշտպանության նախարար Խուան Կարլոս Պինսոնը։
Նախարարի խոսքով կառավարական ուժերի գործողությունների արդյունքում Մետա դեպարտամենտում երկու գրոհային է սպանվել, ոչնչացվել է զենքի ու պայթուցիկ սարքերի ընդհատակյա ֆաբրիկա։
Գնդակոծությունը վերսկսելու պատճառ է դարձել տեղեկությունը, որ ապստամբները Կաուկա նահանգում հարձակվել են զինվորականների վրա,որի հետեւանքով զոհվել է 11 զինվոր, եւս 19-ը վիրավորվել են, հաղորդում է La Segunda պորտալը։
