Բերձորում տեղի ունեցած դեպքերի շուրջ analitik.am-ը զրուցել է ԱԺ ՀՀԿ խմբակցության պատգամավոր Համլետ Հարությունյանի հետ:
-Պարոն Հարությունյան, ի՞նչ կասեք Բերձորում կատարված վերջին իրադարձությունների մասին:
- Պետք է փաստել, որ Հիմնադիր խորհդարանի Արցախ գնալը անտեղի ու ոչ ճիշտ ժամանակահատվածում արված քայլ էր: Ավտոերթի մասնակիցներին նույնիսկ խնդրել էին, հորդորել էին, որ չգնան այդ քայլին , որ դրա ժամանակը չէ…,Ես դեկտեմբերի 20-ից հոնվարի 31-ը եղել եմ սահմանային գոտոմ, այնտեղի գյուղերից մեկում, տեսել եմ այնտեղի վիճակը: Ուղղակի անհնար է այնտեղ ինչ-որ բան անելը, քանի որ համարյա պատերազմ է: Այդ վիճակում ի՞նչ ավտոերթ, ի՞նչ քաղաքական պահանջներ …ղարաբաղցիների դարդը դա՞ է, որ դու գնացել ես:
- «Ղարաբաղ» կոմիտեի անդամ Իգոր Մուրադյանը օրեր առաջ վերադարձրեց ԼՂՀ ԱԺ-ի շնորհած շքանշանը: Ինչպե՞ս կմեկնաբանեք նրա այս քայլը: Ըստ Ձեզ, Ճի՞շտ վարվեց նա, թե սխալ:
- Թե ինչով է պայմանավորված Իգոր Մուրադյանի՝ իր շքանշանի վերադարձնելը , չեմ հասկանում: Ենթադրենք, էնտեղ ինչ-որ միջադեպ է տեղի ունեցել՝ ի՞նչ անենք:
- Վիրավորա՞նքն է խոսել միգուցե…
- Դե դա հասկանում ենք, հասկանում ենք նաև, որ դա պահի ազդեցության տակ է կատարվել…
- Արդարացնո՞ւմ եք ազատամարտիկների նկատմամբ կիրառվող բռնությունները:
- Ես այս հարցին միայն այսպես կպատասխանեմ՝ ինձ երևույթն է անհանգստացնում և ոչ թե հետևանքները: Երբ մենք գտնվում ենք այս իրավիճակում՝ համազգային համախմբման անհրաժեշտությոն կա Ցեղասպանության 100-ամյա տարելիցի հետ կապված: Իսկ այն լոզունգը, որ ընտրել է Նախախորհրդարանը, ինձ համար անհասկանալի է: Ի՞նչ է նշանակում «100 ամյակն առանց ռեժիմի» կարգախոսը: Դա կա՛մ ադրբեջանցիներն են մոգոնել, կա՛մ, առնվազն, թուրքական հետախուզությունը: Էդպիսի կարգախոսնել է կասկածելի չէ՞, մտածելու տեղիք է տալիս: Չի՛ կարելի 100-ամյակը խառնել իրենց պլանների հետ, այդ օրվա հետ:
100-ամյա տարելիցը սգալու տոն չէ, մեր պատմական ճակատագիրը լուծելու խնդիր է, և այս տեսանկյունից պետք է մարդիկ համախմբվեն: Դուք նույնիսկ չեք պատկերացնում, թե 100-ամյա տարելիցը ինչ խոշոր ճակատագրական, պատմական նշանակություն ունի մեր ժողովրդի համար : Այդ մի քանի խմբերի, անհատների գործողությունները նույնացնում և հավասարեցնում են համազգային , համաժողովրդական և համապետական խնդրի հետ: Ես շատ վիրավորվում եմ, որ շատերը փորձում են Ցեղասպանության 100 ամյա տարելիցը խառնել մի խումբ մարդկանց նկրտումների հետ հետ: Ամո՛թ է:
Հասմիկ Մովսիսյան
