Analitik.am-ի զրուցակիցն է քաղաքական տեխնոլոգիաների մասնագետ Կարեն Քոչարյանը:
-Պարոն Քոչարյան, նախօրեին Հունաստանի խորհրդարանն ընդունեց Հայոց ցեղասպանության ժխտումը քրեականացնող օրինագիծը: Արդյոք հնարավոր համարում եք, որ այդ երկրի օրենսդիր մարմնի օրինակը «վարակիչ» լինի եվրոպական այլ երկրների համար:
-Հունական խորհրդարանի կողմից այս օրինագծի ընդունումը դիտարկում եմ որպես տեղային, առանձին դեպք: Բացի այդ, Հունաստանը եվրոպական առաջին երկիրը չէ, որ Հայոց ցեղասպանության ժխտումը քրեականացնող օրինագիծ է ընդունում: Ինչ վերաբերում է նրան, թե կարո՞ղ է հունական օրենսդիր մարմնի նախաձեռնությունը «վարակիչ» լինել մյուսների համար ևս, ապա կասեի, որ մեն բան առավելապես կախված դիվանագիտական, տեղային լուրջ աշխատանքից:
-Կատարվածի առնչությամբ ինչպիսի՞ արձագանք պետք է սպասել Թուրքիայից, մանավանդ որ այդ երկրի նորընտիր նախագահ Էրդողանն օրեր առաջ Ֆրանսիայի նախագահին հորդորեց զերծ մնալ նմանատիպ օրինագծի ընդունումից:
-Եթե իր իսկ շահերի համար Ֆրանսիային անհրաժեշ լինի նման օրինագիծ ընդունել, նա կընդունի այդ օրինագիծը՝ ուշադրություն չդարձնելով Էրդողանի կոչերին: Դա միանշանակ է: